Шүлгийн цоморлигоос

***

Одтой байж од нь харагдахгүй тэнгэр байдаг юм

Огт битгий хайхраарай.

Нартай байж нарныхаа илчийг өгдөггүй тэнгэр байдаг юм

Найрсаж битгий гуниарай.

Үүлтэй байж үүлшиж бороо оруулдаггүй тэнгэр байдаг юм

Үзээгүй юм шиг яваарай.

1961 оны 10 сарын 24

Залуу нас

Залуу нас- Миний буухиа галт тэрэг, Замдаа цухачин давхисаар Намайг халзан бор өвгөний насанд аваад ирлээ. Өвгөрчээ … Залуу цагийн бүлээн бараан өдрүүд Өртөө буудлын хөлтэй, хөлгүй тавцан шиг, бүрэлзэн үзэгдэх үгүйтэй. Огоор ч мартсан, эсвэл хаана нэгэнтээ гээчихсэн, Олддоггүй хүзүүний ороолт, гарын бээлий, нарны шүхэр шиг бодогдоно. Саарал манан, эсвэл хов хоосон зайд Санагдах, үгүйн булан дунд Анхны хайрын эзэн болсон тэр минь харин Алчуураа дэрвүүлэн тодорч өр өвтгөх юм. Аян замын эхний буудлаас яаран хөдлөхөд Амьтны дундуур зүтгэн дагаж гүйсэн бүсгүйн бараа зурсхийж Ганцаараа үлдлээ гэж тольт зүрхэндээ дуу алдан мэгдэж Орлонд түүн шиг гуньсан хүн өөр хэн байнам? Хүний бүсгүй үрийг өөртөө дасгаж Хүлээж суухын зовлонд бас унагаж үлдээсэн биш бил үү. Буухиа галт тэрэгний чимээ аван сандарч, Буудлын тавцан дээр яаран мэгдэн хүрээнд ирэх нь энэ үү. Гээгдэж үлдсэн тэр бүлээн өдрүүдээс Гэмшсэн дурсамжийн манан урган хөвөрч Санаа сэтгэлийн ууланд асан цайрч, Санчиг буурал миний өр зүсэн нүүнэ.

1995 он

© С.Дашдооров


Featured Posts
Recent Posts
Search By Tags
まだタグはありません。
Follow Us
  • Facebook Classic
  • Twitter Classic

FOLLOW ME

  • Facebook Classic

© 2015 by Dashdoorov.com

 

Ардын уран зохиолч С.Дашдооровын зохиогчийн эрх Монгол улсын хуулийн дагуу хамгаалагдсан болно. Энэхүү вебсайтаас хуулбарлах, хэвлэх, тараах тохиолдолд зохиогчийн эрхийн хууль ёсны эзэмшигч болох үр хүүхдүүдээс dashdoorov @gmail.com руу

холбогдож зөвшөөрөл авна уу.

This site was designed with the
.com
website builder. Create your website today.
Start Now